Ertzaintzak baieztatu duenez eguaztenean izan zen lan-istripua. 21:00ak inguruan, deitu zuten lantegitik larrialdi zerbitzuetara istripu baten berri emanez. Jasotako datuen arabera, 22 urteko mutil oñatiarra zen zauritutakoa. Mantenu lanetan jarduten zuen eta makina batekin izan zuen istripua. Ezbeharraren tokian artatu ostean Arrasateko ospitalera eraman zuten langilea.
[EGUNERATUA 2019/06/06] Istripua izan duen gaztea etxean dago, bere lankideek GOIENAri baieztatu dioten moduan. Kolpea jaso du eta ospitalean artatua izan ondoren dagoeneko etxean dago.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak