Oñatiko Udalaren zerbitzu bereziari esker –Leniz Garraioak enpresa kontratatu du Oñatiko Udalak– ordubeteko tartea gorde ohi duen zerbitzua ordu erdiro ari da izaten, eta autobus handi batez gain herribusa ere ari da zerbitzu hori ematen. Hala ere, errefortzua ez dabil nahikoa izaten. "Egon gara gidari batekin eta esan digu zerbitzua oso motz geratu dela, jende asko dagoela zain geltoki guztietan", adierazi du autobusera noiz igoko zain dagoen herritar batek. Asko, gainera, lehen geltokira joan dira, San Lorentzora, eta lehen geltoki horretan betetzen da autobusa eta hurrengoetan ezin du jende gehiago jaso.
