Hasiera batean zapatuan, ekainak 1, ziren zabaltzekoak ur uhinen parkea baina datozen egunetarako eguraldi beroa iragarrita dagoela ikusita irekiera aurreratzea erabaki dute; egubakoitzean zabalduko dute, 17:00etan.
Ikasturtea bukatu bitartean, ekainaren 21a arte, bi ordutegi izango ditu parkeak: 13:00etatik 21:00etara aste barruan eta 11:00etatik 21:00etara aste bukaeran. Ekainaren 22tik irailera bitartean asteburuko ordutegian egongo da erabilgarri egunero.
Udaletik jakinarazi duten moduan, azken aste hauetan ur txorroten instalakuntzen egoera egiaztatu dute udaleko mantenu langileek, baita ur eta argindar hornidurak berrezarri ere. Bainu denboraldian zehar komun publiko bat egongo dela ere adierazi dute.