Bigarren mailara igotzeko aukera galdu zuten atzo Mekalki Aloña Mendi taldeko senior mutilek, Donostiako Atletico San Sebastian taldearen aurka galdu ostean. Partida korapilatsua izan zela azaldu du taldeko entrenatzaile Aitor Ugartek: "Bagenekien errebotean asko sufrituko genuela, tamainaz gu baino handiagoak zirela asko nabaritu zen. Defentsan ondo aritu ginen, erasoan, aldiz, deseroso".
Dena den, finalean egotea "saria" izan da Ugarteren mutilentzat: "Gure taldearen ezaugarriak ikusita ez genuen espero horren ondo aritzea". Denboraldi erdi baino gehiago izan dira lider Aloñakoak eta egindakoaz "harro" sentitzen direla azaldu dute.