32. Emakumeen Bira irabazi du Trek taldeko Elisa Longo Borghini italiarrak, Oñatin. Laugarren etapa izan da gaurkoa, Birako etapa luzeena eta gogorrena. Bada, italiarrak erakustaldi bikaina eginda, lau segundoko aldea atera dio atzetik zetorren taldetxoari. Modu horretan, etapako garaipena irabazi du eta liderraren maillota jantzi du italiarrak.
Elisa Longo Borghini izan da azkarrena Oñatiko Unibertsitate etorbidean jarritako helmugan. Lau segundoko tartea atera dio atzetik zetorren taldetxoari; eta, lau segundo horiei tarteko helmugetan lortutako hamar segundoko saria batuta, sailkapen orokorra ere poltsikora eraman du italiarrak –etapa hasi aurretik, Amanda Spratt liderrak 12 segundoko aldea ateratzen zion Longo Borghiniri–.
Horrela geratu da gaurko etapa:
1. Elisa Longo Borghini 4.11.02
2. Christine Majerus + 0.04
3. Tayler Wiles + 0.04
32. Emakumeen Birako sailkapen orokorra:
1. Elisa Longo Borghini 12.21.41
2. Amanda Spratt + 0.02
3. Soraya Paladin + 0.07
Euskaldun onena
Euskaldun onena WNT taldeko Ane Santesteban izan da. Sailkapen orokorrean 8. postuan amaitu du Bira, minutu bat eta zazpi segundo atzetik.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak