Etapa hasieran Amanda Spratt zen liderra, eta Longo Borghini sailkapen orokorreko hirugarrena zen 12 segundotara. Gaurkoan, baina, erakustaldi bikaina egin du Trek taldeko txirrindulariak: Asentzion ihes egin eta atzekoekiko aldea mantentzea lortu du helmugara arte. Helmugan lortutako 4 segundoko aldeari tarteko helmugetako sariak batuta, etapako garaipenaz gain, sailkapen orokorreko lidergoa ere irabazi du.
Euskaldun onenaren saria Ane Santestebanek irabazi du. Sailkapen orokorrean zortzigarren postuan amaitu du Bira minutu eta zazpi segundoko aldearekin.
