Azken zortzi urteotan udaletxean egon den EH Bilduko taldeari eskerrak emateko baliatu dute ekitaldia, bai eta hautagai talde berriari onena opatzeko ere.
Gipuzkoara begira
Mikel Biainen esanetan, EH Bilduk "politika egiteko balore aurrerakoiak" ekarri ditu eta hura da Gipuzkoan "alternatiba erreal bakarra". Gaineratu du, proiektu politiko sendoa ordezkatzen duela alderdiak, "pertsona erdigunean jarrita". EAJrendako ere izan du hitzik: "Gure herriaren izen ona zikintzen saiatu dira, urduri daudelako eta probokaziora eraman nahi gaituztelako". EAJren proiektua atzerakoia eta elitista dela salatu du, EH Bilduren politika erakundeetara eramateak duen garrantzia nabarmenduz.
Oñatin, azken urteotako eredua ipar
Alkategai Izaro Elorzak, bestalde, "poz handia" sentitzen duela adieraziz hasi du bere hitzaldia. Haren esanetan, EH Bildu osatzen duten herritarren konpromezuak, zintzotasunak eta lanerako gogoak sortzen dio poz hori. Elorzak taldearen garrantzia azpimarratu du eta Oñatik behar duen proiektua EH Bilduk ordezkatzen duela adierazi: "Dena gertu dago, prest gaude; justizian, elkartasunean eta berdintasunean sinisten dugunok gara EH Bildu". Gaineratu du, "azken urteotako ereduari jarraipena emateko prest" dagoela. Besteak beste, gazteei aukerak eskaintzen, irisgarritasunean aurrera pausuak ematen, ingurugiroa, kultura eta euskara zaintzen eta politika fiskal sozialak garatzen jarraituko dutela aldarrikatu du.
