Pilota entrenatzaile Josu Osak dagoeneko hautatu ditu txapelketan parte hartuko duten zortzi pilotariak. Aldaketarik ezean, zapatuan jokatuko dute: kadete mailan, Odei Loitik eta Mikel Ugartek; gazte mailan, Ibon Perezek eta Iñigo Erlek; eta nagusien mailan, Ander Biainek eta Markel Gartziak.
Maila handiko aurkaria
"Talde polita atera dugu eta gogotsu gaude txapelketa hasteko. Hala ere, badakigu aurrean maila handiko aurkariak izango ditugula; kanporaketa orekatua izango da", azaldu du Osak. "Nahiz eta galdu, tanto asko egitea izango da helburua", dio.Gazte mailako aurkariak "oso indartsuak" direla dio; hala, puntu hori izango dela "zailena".
"Bestalde, Altzoko frontoia txikia da, ezaugarri bereziak dituena eta hango ezaugarrietara moldatu beharko dugu jokoa", gaineratu du Osak.