Jai jendetsuak
San Miel txikiak amaitzeko ordu batzuk gelditzen diren arren, jai batzordeko kide den Mikel Urrutiak honako balorazioa egin du: "Antolakuntzako kideak pozik gaude aurtengo jaietan jende ugari ibili delako. Egubakoitzerako eguraldiari begira egon ginen iragarpena ez zelako batere ona, baina azkenean, zaparrada bat besterik ez zen izan". Eguraldiak asteburu osoan lagundu du eta horrek ekintzetan parte hartzera animatu du jendea. Beraz, Urrutiak esan bezala, "aurtengo helburua bete dugu".