Gaztelekuko gelak
Herriko gazteek Gaztelekuan ikasteko aukeraren inguruan galdetu izan dute, liburutegiko ordutegiak batzuetan murritzak direlako. Horregatik, gaia aztertu ondoren, Gaztelekua itxita dagoenean bertako geletan, gazteek ikasteko aukera izatea erabaki da. Gela horiek aproposak dira ikasteko, wifia eta kalefakzioa daukatelako.
Gelen erabilera egiteko baldintza batzuk zehaztu dira: Gaztelekua erabiltzeko eskaera, ahal dela idatziz egingo da, Gaztelekua soilik ikasteko erabiliko da, Gaztelekuan sartzeko eta gero irteteko baldintzak Gaztelekuko Hezitzaileekin lotuko dira (giltza behar duten ala ez, eta abar) eta Oñatiko Udalaren aurrean, eskaera egiten duen pertsona bertan egongo den taldearen erantzulea izango da.
