Datorren hilean, ekainean, hasiko da Aloña Mendi elkarteak eta herriko txosna batzordeak elkarrekin antolatzen duten herriko pilota txapelketa. "Egutegia aurreko urteetako bera izango da: ekainean eta uztailean jokatuko dira partiduak, taldekako fasetan, eta azken aurrekoak eta finalak irailean", adierazi du antolatze lanetan dabilen Iñigo Igartuak. Plazako frontoian jokatuko dira partiduak.
Aspaldikoa da herri mailako pilota txapelketa baina duela bost urte herriko eragile biak batu txapelketa indartzea erabaki zuten. "Joan den urtean 39 bikotek eman zuten izena baina herritar gehiago dira txapelketa jarraitzen dutenak. Lagunartean jokatzen den txapelketa da, nork txapela jantziko amorruarekin. Maila ona egoten da eta iraileko partiduetan jende asko batzen da", dio Igartuak. Antolatzaileen taldea osatzeko, izena ematen dutenen artean zozketa egingo dute, hamar bikote egoteko.
Parte hartu gura dutenek Ona edo Arrano tabernetan eman behar dute izena hilaren 19a aurretik.