Lehiakorrak izango dira hurrengo bi partiduak Endika Ruizek zuzentzen duen futbol talderendako. Igoera du jokoan taldeak eta hori lortzeko derrigorra du gelditzen diren bi partidu horiek irabaztea.
Entrenamenduak
Arrasateko Mondra taldearen eta Zumarragako Urolaren kontra jokatu behar dituzte gelditzen zaizkien bi norgehiagokak. "Biak irabazi behar ditugu, baina orain helburua da Mondrari irabaztea. Ea posible den. Egia da tartean oporrak daudela, eta, bi asteko atsedenaldia izanda, hasierak zailak izaten dira, batzuetan, baina irabaztera joango gara Mojategira", adierazi du Endika Ruiz entrenatzaileak.
Opor egun hauetan, baina, ez dira erabat geldi egongo Aloña Mendiko jokalariak. Aste honetan, bi egunetan dute entrenamendua, martitzenean, gaur, eta eguenean, 19:00etan biak. Mondraren kontrakoaren ostean, Urola gainditzea izango da hurrengoa; ahal dela, bi gol edo gehiagoko errentarekin.
