Aitor Ugarteren taldeak 63-57 galdu du Donoti Dolphins liderraren kontra. Baina, Hernanik irabazi egin du 47-39. Hortaz, beraien artean dagoen aldea ez da erabakigarria oraindik. Une honetan, oñatiarrek hernaniarrek baino lau garaipen gehiago dituzte. Liga bukatzeko lau partidu geratzen zaizkie. Hori horrela, Hernanik huts egiten duen unean, igoera txartela txantxikuarrendako izango da. "Ea bada, hurrengo astean lortzen dugun. Azken lehiak lasaiago jokatzeko, eta igoera fasera prestatzen hasteko balioko liguke horrek", esan du Aloñaren entrenatzaileak.
Hurrengo aste bukaeran, Mekalki Aloña Mendik etxean jokatuko du Take Orbelaren kontra; eta Hernanik, etxetik kanpo, Azkuneren zelaian.