Eduki hau partekatzeko esteka arbelera kopiatu da.
Jakina da Txinparta Bertsolari Txapelketako lehen kanporaketan Joseba Lasagabaster izan zela bertsolari onena. Bada, bihar, 17:30etatik aurrera eta Eltziako Topagunean txapelketako bigarren kanporaketa jokatuko da. Biharkoan arituko diren bertsolariak honakoak izango dira: Odei Irigoien, Aitor Tatiegi, Egoitz Aizpuru, Andoni Goitia, Joseba Igartua, Urko Arregi, Gontzal Belategi eta Aritz Irigoien.
Gustura, egindako saioarekin
Zortzi bertsolari aritu ziren lehen kanporaketan eta Lasagabasterrek adierazi du saioan askotariko bertsoak entzuteko aukera egon zela; horrek, era berean, saioa entretenigarri egin zuela aitortu du. Berak egindako saioari dagokionez, honako hau esan du Lasagabasterrek: "Txapelketan izena eman nuenean, helburua bertso eskolan landutakoa jendaurrera eramatea zen. Horregatik, eta aspaldian bertsoan aritu ez naizelako, gustura nago egindako saioarekin".
Biharko kanporaketa
Biharkoa saio polita izango dela aitortu du Lasagabasterrek, Eltzian profil desberdina duten bertsolariak arituko direlako.
