11 baino gehiago, has Gasteizen euskaraz bizitzen dokumentala aurkeztuko dute igandean, 18:00etan. Mikel Ezkerrok, Oñatin bizi den zinemagile forondarrak, 11 baino gehiago, has Gasteizen euskaraz bizitzen dokumentala estreinatu zuen urtarrilean. Hainbat tokitan aurkeztu du ikus-entzunezkoa eta domekan, hilaren 31n, Antixena gaztetxean izango da, Gasteizko euskararen egoera azaltzen duen ikus-entzunezko hori aurkezteko. Ordubete inguru irauten du dokumentalak eta 18:00etan ikusi ahalko da. Ondoren, Ezkerrok ikus-entzunezkoaren nondik norakoak azalduko ditu, eta baita herritarrek egindako galderak erantzun ere.
Gasteizko erradiografia
Gasteizko Oihaneder Euskararen Etxetik jaso zuen Ezkerrok proiektu hori egiteko proposamena. Hasiera batean, Gasteizko Euskaraldiaren making off-a egitea zen ideia, baina proiektu txiki horretatik handiago bat irten zen eta, azkenean, dokumental honetan, Euskaraldia aitzakia izanik, Gasteizko erradiografia jasotzen da; euskararen egoerarena, alegia. Ikus-entzunezkoa egiteko, Gasteizko komunikabideak –Alea eta Hala Bedi Irratia–, euskaltegiak –AEK eta IKA–, Euskaraldirako sortutako hainbat elkarte eta herritarrak elkarrizketatu dituzte, besteak beste. Irati Anda eskalatzaile gasteiztarrak eta Askoa Etxebarria flamenko dantzariak, esaterako, Gasteizen euskarak duen egoeraren inguruko hausnarketa egin dute ikus-entzunezkoan. Euskaraldiko abestia eta bideoklipa bertsionatu egin zituen Ezkerrok, dokumentalean erabiltzeko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
