Liga erregularra bukatuta, erabakita geratu dira Herriko Futbol Txapelketako Ligako eta Kopako finalaurrekoak. Albok taldeak irabazi du liga erregularra, zazpi partidu irabazi eta bakarra galduta. Haren atzetik sailkatu dira Mazedonia, Txuskos, Shatoken Moüra, Larraña, Sasquatch, Auschwitz, Zalaparta eta Tutelatraku –azken sailkatua izanik, ezin izango du Kopa jokatu Tutelatrakuk–.
Asteburu honetan jokatuko dituzte Kopako finalaurrekoak. Batetik, Larraña-Zalaparta, bihar, zapatua, 13:30ean. Bestetik, Sasquatch-Auschwitz, etzi, domeka, 13:00etan. Datorren astean, berriz, Ligako finalaurrekoen txanda izango da: Albok-Shatoken Moüra eta Mazedonia-Txuskos izango dira bi kanporaketak.
Finalak, azkenik, apirilaren 27an jokatuko dituzte.