Korrika eta bizikletan
Benjaminek lehenik, 500 metro egin dituzte korrika, ondoren bizikleta hartu eta kilometro eta erdi egin dituzte eta lasterketa amaitzeko 250 metro egin dituzte korrika. Alebinen lasterketa luzeagoa izan da: kilometro eta erdi egin behar izan dituzte korrika (lehenengo kilometro bat eta bizikleta amaituta, beste kilometro erdi) eta hiru kilometro eta erdi bizikletan. Azkenik, infantil eta kadete mailakoek elkarrekin egin dute lasterketa. Kasu honetan, parte hartzaileek honakoa egin behar izan dute: lehenik, bi kilometro korrika, ondoren bizikleta hartu eta zazpi kilometro eta amaitzeko beste kilometro bat korrika.
Nagusiak arratsaldean
Nagusien lasterketa 16:00etan hasiko da. Emakumeak hasiko dira lehenengo eta ondoren gizonezkoak. Kasu honetan, lehen zatian hamar kilometro egin beharko dituzte korrika, ondoren, bizikleta hartu eta 37 kilometroko ibilbidea izango dute aurretik. Lasterketa amaitzeko, berriro korrika egin beharko dute, hamar kilometroz.
