Mendiko bizikletarekin ibilaldia egin eta bueltan bizikleta non garbitu egotea "ederra" dela adierazi zuten, esaterako, atzo goizean bi oñatiarrek. "Nik badut etxeko garajean garbitzeko aukera, baina beste askok ez", zioen batek. "Eta ez dugunondako horrelako gune bat egotea ederra da. Oso ondo dago. Dagoeneko estreinatu dugu eta ondo dago, bai", zioen beste batek ondotik. Orain gunea "ondo eta errespetuz zaindu eta erabili" behar dela aipatu zuten biek.