Ordutegia
HAZ gune berria astelehenetik ostiralera 7:30etatik 15:30ak bitartean egongo da zabalik goizez, baina arratsaldez, 15:30etatik 20:30ak bitartean hainbat tramite elektroniko egiteko aukera egongo da, errolda agiriak, zergen duplikatuak, ordainketak eta sarrera telematikoak, besteak beste. Hiri hondakinen zerbitzuari dagokionez, ordutegia astelehenetik ostiralera eta arratsaldeko 17:00etatik 20:30ak bitartean izango da.
3 langile
Herritarrei arreta zerbitzua ematen hiru langile egongo dira eta gune elektronikoa ere egokitu egin da tramiteak egiteko. HAZ gunean herritarrek udal langile zein ordezkariekin bilerak egiteko bilera gela bat ere egokitu da. Honen helburua da kalitatezko arreta presentziala eskaintzea eta bide telematikoen aukerak indartzea, ahalik eta zerbitzu integralena toki bakarrean eskainiz.