Jose Ramirez musikaria domekan Itturri tabernan

Costa Ricatik datorren Jose Ramirez artistaren emanaldia ikusteko aukera egongo da domekan, 19:30ean hasita, Itturri tabernan. Ramirezen ahotsarekin eta gitarrarekin batera Organ Trio-ko kideak arituko dira; gitarra, teklatu eta bateria doinuak eskainiko dituzte haiek. 17 urte zituela hasi zen musika munduan eta bere aitarengandik datorkio bluesarekiko lotura. Hala, hasieratik bakarlari gisa dihardu, eta, gitarra jotzeaz gainera, abestu egiten du. Bere esperientzia profesionalean, Anson Funderburgh, Mark Hummel eta Marquise Knox gisako artistekin jotzeko aukera izan du.