Herri arteko bertso txapelketako finalean izango da Aitor Tatiegi

Aitor Tatiegi, Ibarrako Sendi Ekintza elkartean (Irudia: Gipuzkoako Bertsozale Elkartea)

Aurreko egubakoitzean egin zuen bertsotan Tatiegik, Ibarrako Sendi Ekintza Elkartean, eta apirilaren 5ean Lasturren jokatuko den finalerako sailkatu zen. Txapelketa horretan beste bi oñatiarrek hartuko dute parte: Xabi Agirrek eta Bittor Zubiagirrek, hain zuzen. 

Urduritasunik gabe

Tatiegik adierazi du egubakoitzeko saioan ez zela urduri egon eta horrek bere maila ematea ahalbidetu ziola. Sei bertsolarik hartu zuten parte kanporaketan eta oñatiarrak irabazi zuen, baina gainontzeko bost bertsolariek lan ona egin zutela aitortu du Tatiegik.

Lasturko finalean, bigarrenez

Iaz ere Lasturko finalerako sailkatu zen, kasu hartan aurreko kanporaketetan lortutako puntuazioari esker izan bazen ere. Hala ere, finalera iristeko arrazoia desberdinak izanik, ilusioz dagoela aitortu du.

Xabi Agirre eta Bittor Zubiagirre

Tatiegi ez da txapelketako oñatiar bakarra izango. Xabi Agirre martxoaren 15ean izango da Orioko Aldapa elkartean eta Bittor Zubiagirre, berriz, martxoaren 22an Oñatiko Larrain Gainen. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.