Oñatiarrak sailkapeneko hirugarren postuari eusten ari dira –hogeita zortzi puntu dituzte– azken jardunaldietan, eta aurreko biengandik puntu gutxira daude –Txikipolit taldeak hogeita hamar puntu ditu eta Urdulizek hogeita hamaika–. Gure Auzune taldea, berriz, hamabi punturekin hamaikagarren postuan dago sailkapenean eta azken jardunaldian garaipena lortu zuen Ilcapo Hondarribiaren aurka.
Denboraldia amaitzeko zortzi jardunaldi gelditzen dira. Aranbururen mutilek hemezortzi partidu jokatu dituzte eta horietatik hamahiru irabazi, bi berdindu eta hiru galdu dituzte. Gure Auzune taldeak, berriz, norgehiagoka bat gutxiago jokatu du eta horietatik, lau garaipen eta berdinketa eta bederatzi galdu ditu.
Bi taldeek seigarren jardunaldian, azaroan, jokatu zuten elkarren aurka. Oñatiarrek Gure Auzuneren kantxan jokatu zuten eta garaipena lortu zuten sei goleko aldearekin (25-31).