Bost kategoriatan arituko dira Aloña Mendiko txirrindulariak: benjamin, alebin, infantil, kadete eta juniorrak. Horiez gain, badaude beste talde batzuetan arituko diren txirrindulari oñatiarrak. Sara Arregik Gipuzkoa Ogi Berrin jarraituko du, Garazi Erostarbe Murias Limosinen arituko da, Gaizka Maiztegi Hostal Latorren, Julen Otero eta Ander Gartzia Debabarrenan eta Xabier Murgiondo Laboral Kutxan.
Denboraldi honetan bost lasterketa egingo dira Oñatin: Emakumeen Birako azken etapa maiatzean, Olakua saria eta Gipuzkoako Itzuliko lehen etapa ekainean, Arantzazu proba uztailean eta San Migel proba eta Oñati saria irailean. Eskolarrek martxoaren 16an lasterketa egingo dute eta ziklo-krosa abenduaren 15ean izango da.