Partidu hasieratik intentsitate handia jarri zuten, eta norgehiagokan erabat sartu ziren oñatiarrak. Hala, lehen zatian aurretik izan ziren eta bigarrenaren hasieran ere bai, defentsan ondo eginda lanak eta bizkor jokatuta.
Bigarren zatiak aurrera egin ahala, 20. minututik aurrera, ezin izan zioten eutsi ordura arteko erritmoari, eta behera etorri ziren. Azkenean, bi goleko aldearekin punturik ez zen geratu etxean; dena den bigarren itzulia hasi besterik ez da egin eta lanean jarraituko dute.