Manez eta Kobreak taldea etzi, domekan, gaztelekuan

Domekan, otsailak 10, 12:30ean, Manez eta Kobreak talde berriak kontzertua eskainiko du Oñatiko gaztelekuan. Sarrera bost euro izango da.

 

Thierry Bizkari ezkutatzen da Manez izen artistikoaren atzean. Musikan ibilbide luzeko artista da Bizkari; Bolbora, Hegalka eta Kalakan taldeetan ibili ostean, bere abestiak aurkeztu ditu Kobreak metal tresnen taldearekin batera grabatutako azken diskoan. "Kalakan utzi ostean, artistikoki zerbait mantendu nahi nuen, ni abeslaria naiz eta gogoko dut; beraz, nire abestiak aurkezten hasi nintzen", adierazi du Bizkarik.

Gaztelekuan aurkeztuko duen diskoaren letrak artistaren adiskide zein familiakoek kontatutako pasarteetan oinarritzen dira. "Ipar Euskal Herriko barnealdeko giroa kontatzen da abestietan", azaldu du Bizkarik.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.