Duela bi jardunaldi hasi zuten Aloña Mendiko senior neskek denboraldiko bigarren itzulia. Lehen partidua etxean jokatu zuten Elgoibarren aurka eta aurreko asteburuan, berriz, Jarrilleras taldea izan zuten aurkari. Bi jardunaldi horietan oñatiarrek ezin izan zuten garaipena lortu; beraz, bihar, beste aukera bat izango dute Ioritz Agirianoren neskek, 17:45ean hasita, Irauli Bostekoren aurka, bigarren itzuliko lehen garaipena lortzeko.
Fagor Industrial Aloña Mendi
Aurreko jardunaldian Zubikoan lortutako garaipenaren ostean, Fagor Industrial Aloña Mendi taldeko mutilek Errenteriako Ereintza Beissier taldearen aurka jokatuko dute. Etxetik kanpo jokatutako azkenengo bi partiduak ezin izan dituzte irabazi. Hala, Aranbururen mutilek zapatuan jokatuko dute norgehiagoka, 17:30ean, Errenteriako Udal Kiroldegian.