Anaien, ahizpen edota anai-arreben arteko harremanak; edo harreman horiek zailtzea zein ezinezko egitea dakarten egoerak. Horiek izan dira protagonista gaur Oñatiko Santa Ana antzokian eskaini duten Zazpi senideko obran. Eta ez dira gutxi izan bertaratu diren ikusleak.
Ander Lipusek zuzendutako obran, gainera, bi anaia, Manex eta Ximun Fuchs, dira aktore bakarrak. Gizonezko zein emakumezko izan, beraiek egin dituzte zazpi istorio kontatzen dituen antzezlaneko pertsonaia guztiak. Dekoratu xumea modu eraginkorrean erabiliaz eta bideoak ere baliatuz, egoera ezberdinak, zenbait kasutan egoera gordinak, irudikatu dituzte.
