Aloña Mendiko jokalariak normalean defentsan atakean baino hobeto moldatzen dira. Gaurko partiduan ere hobeto ibili dira defentsan atakean baino, hala ere, hori ez da nahikoa izan aurkari izan duten Elgoibar garaitzeko.
Oñatiarren entrenatzaile Ane Kortabarriak adierazi du partidua ez dela "oso ondo" joan eurendako, eta ez dela euren eguna izan. Aurkari indartsua izan dute aurrean, hasieratik galtzen joan dira etxekoak, nahiz eta hasierako lehen 40 minutuetan zortzi goleko aldeari eutsi ahal izan dioten. Partiduak aurrera egin ahala, aurkariak gol gehiago sartzen joan dira eta 17 eta 31ko emaitzarekin bukatu dute partidua.
Hurrengoa, Portugaleten
Gaurko partiduaren ostean, animoz baxu xamar gelditu dira oñatiarrak, baina Kortabarriak azaldu du gertatutakoa estutasun bat besterik ez dela izan eta datorren astean ere berdin borrokatzera irtengo direla kantxara. Portugaleten jokatuko dute hurrengo partidua, Jarrilleras taldearen kontra.