XV. eta XVI. mendeetako eraikinen elementuak topatzea zen 'Oñati ezagutzen' jolasaren helburua. Hainbat kaletan ateak, eraikinetako elementuak eta leihoak topatu behar zituzten, Turismo Bulegoko teknikariek emandako azalpenekin. Antolatzaileek uste baino jende gutxiagok parte hartu zuen.
Oñatiko plano batekin topatu behar zituzten azalpenetan, argazki bidez, ipinitako eraikinak eta altxorrak. Guztiak, eraikinetako detaile txikiak ziren. Unibertsitatean, parrokian, Agustinoen elizan, Aita Madina kalean, Kale Barrian, Atzeko kalen... ibili ziren bi orduz.
Denbora bukatuta, Turismo Bulegoan elkartu ziren berriro euren emaitzak erakusteko. Parte-hartzaile guztiendako egon ziren gozokiak eta kamisetak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.