350 pertsona batu ziren Oñatiko Zubikoa pilotalekuan. Leku freskoa da berez, baina, zapatu gauen bereziki zegoen hotza. Giro hori epeltzen ahalegindu ziren sei bertsolariak. "Ez da puntako saioa izan, baina, txukuna bai. Bereziki egon dira ondo Gontzal Belategi eta Urko Arregi oñatiarrak", esan du Txinparta Bertso Eskolako kide Iñaki Olaldek.
Mirari Sagarzazuk ipinitako askotariko gaiei, modu askotara erantzun dute bertsolariek. Banaka, binaka eta launaka egin dute bertsotan. Zortziko txikian eta handiak, puntuka eta koplatan, besteak beste.
