Urrian estreinatu zen Oñatiko LPM taldearen Lope filma, eta ordutik, hainbat zine aretotan egon da ikusgai. Atzo, urte berriko opari moduan, Youtubera igo zuten filma. 2018ko udan grabatu zuten ikus-entzunezkoa Oñatin, eta film laburra izateko asmotan irudikatu bazuten ere, 40 minutukoa izaten amaitu zuen.
Sinopsia
Oñatiko herriaren independentzia berreskuratzeko asmoz, 2019ko Udal hauteskundeen atarian Lope Agirre Oñatira itzuliko da eta Marañoien taldea eratuko du. Lopek, 1561ean El Dorado espedizioan bizitako abenturak gogora ekarriko dizkigu, baita Espainiako Felipe erregeari idatzi zion eskutitza ere.
Lope Agirre
Lope Agirre konkistatzaile ezagunak 1561ean burutu zuen El Dorado espedizioan munduko pertsona boteretsuena zen Felipe II Espainiako erregeari eskutitza idatzi zion. Benetan gertatu zen pasarte historiko bat oinarri hartuta, LPM taldeak fikziozko pelikula zoro bat egin du. El Dorado espedizioa XVI. mendetik 2019ko Udal Hauteskundeetara ekarri dute. Hori bai, pertsonaia guztiak, Lope izan ezik, asmatutakoak dira.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak