Iñaki Jauregialtzoren buztin lanetan, "izena eta izana" duten pertsonak

Aitziber Aranburuzabala Juldain 2018ko abe. 21a, 15:55
Oñatiko kultura etxean erakusgai dauden lanen irudiak. Argazkia: Iñaki Jauregialtzo

Atzo zabaldu zuten oñatiarraren Lur bustian idatziak izeneko erakusketa; Oñatiko kultura etxean izango da urtarrilaren 11ra bitartean ikusgai. 

Hiru hamarkadatan euskal buztingintzan eta zeramika garaikidean jardun du Iñaki Jauregialtzok (Oñati, 1959).

Tornuarekin egiten zituen hastapenetan piezak, eta, gerora, bestelako buztin eta teknikekin baliatuta, askotarikoak sortu ditu; horren erakusle da atzo zabaldu zuen erakusketan dituen lanak: buztinez landutako hainbat pertsonaren bilduma osatu du. "Nigan eragin berezia sortu duten pertsonak ikusiko dituzue buztinean idatziak eta arbelezko euskarrian itsatsita: musikariak, idazleak, olerkariak, eskulturagileak, pentsalariak, politikariak, komiki pertsonaiak, historialariak.... 100 koadro dira. Bilduman, euskal kultura eta historia uztartzen ditut". 

Berriez gainera, bestelako lanak ere bildu ditu erakusketan: "Aurrez egindakoak ere badaude; adibidez, Arantzazuko apostoluak eta Pietatea eta Corpuseko dantzariak".

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak