Gaur, abenduak 18, da migratzaileen nazioarteko eguna eta horren bueltan ekitaldi ugari antolatu dituzte Oñatin. Auzoko, Cear, Elkarzabal, gaztelekua, gaztetxea, Hotz Oñati eta Txipistin elkarteen artean osatu dute egitaraua: "Elkartasuna eta justizia nahi baditugu, herritarron artean sareak eta harremanak zabaltzea ezinbestekoak izango zaizkigu iristen diren migratzaileek harrera duin eta integral bat izateko. Zeregin horretan aletxo bat jartzeko asmoz hau sortu dugu egitarau hau guztion artean, geure artean hobeto ezagutu, bizi ditugun egoerez hausnartu, horiek salatu eta zergatik ez, ondo pasatzeko". Eta gaineratu dute: "Jakin badakigu horrelako egun eta ekimenak ez direla egun edo aste batera mugatzekoak eta horrela erakutsi du Oñatiko herriak azken hilabete eta urteotan eta horretan jarraituko dugu aurrerantzean ere. Inor ez da ilegala".
Gaur, martitzena, egingo dituzte ekintzetako batzuk eta zapatuan eta domekan beste batzuk.