Hondarribiaren eta Ugeragaren kontra gaizki egindako ahaztuta irten dira zelaira oñatiarrak. Defentsan estutuz eta erasoan asmatuz, nagusi izan dira partiduko lehen ordu laurdenean. Gasteiztarrek kanpoko jaurtiketekin erreakzionatu dute, baina etxekoak joan dira abantailarekin aldagelara: 12-7.
Bigarren zatia aldarte onarekin hasi du Aloñak. Markagailuko abantailari eutsi dio, eta horrek, azken minutuetara, lasaitasunez heltzeko aukera eman dio. Jokalari guztiek eduki dituzte minutuak, eta beste behin erakutsi du, talde-lanak duen garrantzia. Amaieran, 25-17.
Ford Mugarrik irabazi
Arrasateko taldea ere badoa apurka-apurka mailari neurria hartzen. Gure Auzuneren kontra hirugarren garaipena jarraian eskuratu dute (23-27), eta sailkapenean, lasaitasunaren lekuetan daude orain.