Argindar barik daude gaur goizean Oñati ia osoan. Oñargitik adierazi dute ez dakitela oraindik herriko zenbat eremu daude argindar barik ez eta zerk eragin duen egoera hori. Teknikoak lanean direla esan dute.
Triana auzoko hainbat bizilagunek jakinarazi dute auzoan badutela argindarra eta Casablancako zenbait eremutan ere bai. Udaltzaingotik oraingoz ez dute informazio askoz ere gehiago eman. "Baliteke eremu batzuetan arazorik ez egotea, baina ez dakigu oraindik gehiago. Salbuespenak egongo dira akaso, baina gehienean ez dago argindarrik eta oraingoz ez dakigu arazoa zerk eragin duen eta zenbaterako izango den".
Igerilekua itxita
Argindar falta dela-eta kiroldegian erabaki dute igerilekua ixtea; izan ere ponpa ez dabil argindar barik. Gainerakoan, gimnasio zabalik dago.