Ikasturteko lehen kontzertua egingo du Ganbara Txikik egubakoitzean

Ganbara Txiki abesbatzako kideak kantuan

Egubakoitzean ikasturteko lehen hiruhileko kontzertua egingo du Ganbara Txikik. Pertsiak merkatu batean izango da gaia. Aitor Garitanok zuzenduko ditu taldeak Aitor Biainekin batera. Kontzertua Zuazola institutuan izango da eta sarrerak salgai daude Txokolateixian.

Azaroaren 30ean, egubakoitzean, egingo du Ganbara Txikik ikasturteko lehen hiruhileko emanaldia eta Ganbara Txiki osatzen duten talde guztiek hartuko dute parte: tailerrekoak, txikitxoak eta txikik.
 
Pertsiak merkatu batean izango da gaia eta talde bakoitzak bere errepertorioa egingo du; talde guztiek batera abestuz emango diote amaiera kontzertuari. Emanaldia Aitor Garitano gazte bergararrak zuzenduko du Aitor Biainekin batera; bi talde txikienak zuzentzen duen lehen aldia izango da Garitanorendako. Pianoan, Eli Mendiaraz eta Anabel Henao arituko dira.
 
Kontzertua egubakoitzean izango da, 19:30ean, Zuazola Larraña institutuko areto nagusian. Sarrerak dagoeneko salgai daude Txokolateixian bost eurotan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.