"Propio landatu ditugu tulipanak, udaberri hasieran loratzen direlako, martxoaren 8aren bueltan", adierazi du antolakuntza lanetan ibili den Karmele Guridik.
Tulipanak landatzeko, gorriz tindatutako ura erabili dutem odolarekin alderatuz. "Maputxeen matxiak, bertako txaman emakumiek odol menstruala eskaintzen xaue ama lurrari eta horrekin batera eskerrak ematen, odol horrek egiten baigaittu emakumiok bizi emale, bizi sortzaile, sorgin…", azaldu dute ohar batean. "Odol hori da gure gorputzetik isurtzen den bakarra inolako biolentzia barik eta horren seinale, gaurkuan, gorriz tintautako ura dozue mahaixetan zuen lora ureztatzeko".
Haziak elkarbanatzeko aukera ere eskaini diete parte-hartzaileei, eta norberak bere etxean zaintzeko gonbita egin diete. "Martxoaren 8ko egun osoko greban zaintza izango da ardatz nagusia, eta bi ideia horiek lotu gura izan ditugu horrela", azaldu du Guridik. "emakumiok hainbat bide dittugu indarkeriari aurre itteko, eta guk gaurkuan plantoaren lelopian nahi izan doguna da haziak landatzia, energiaren trasmutazioari bidea emuteko. eta espero dogu martxoaren 8an loratutako landariak izatia. landara barrixak landatzen dittugu gure intentzio, pentsamendu, sentipen eta desioz ongarrittuz, eta odolez, hilerokoaren ordez, sinbolo bezala (ardoz) ureztatuz. eta ondoren gure etxeetan zainduz", dio oharrak.
Gainontzeko tulipanak espiral batean landatu dituzte Santa Ana kanpoan. "zeatik landatu espiral forman lorak? espiralak hainbat esanahi dituelako emakumeon antziñako jakintzan: espiralean dago antolatuta gure adna, bizitzaren sinboloa da, eraldaketa eta mugimenduaren ikurra, aldaketa, transformazioa, trasmutazioa…aukera".