Bazkalostean, Bertxortan emanaldia izan da gaztetxean –Maider Arregi bertsolari oñatiarra da hiru kideetako bat–. Maskulinitatea eta genero rolak izan dira erabili dituzten gaietako batzuk. "Kritikoa eta autokritikoa izan da eta era berean, dibertigarria. Barre asko egin dugu, eta giro polita sortu da".
Musika emanaldiekin eman diote bukaera egunari. Lehenik, Kabbalah eta Gora Etorri taldeak izan dira gaztetxean. "Lehenek rock psikodelikoa moduan definitzen dute euren musika. Musikari onak dira, eta entzuteko gehiago izan zen, dantzatzeko baino. Giro lasaia egon zen, goxoa. Bigarren taldea, aldiz, dantzagarriagoa zen eta gaztetxe guztia dantzan jarri zuten". Horren ostean, BassAgain eta Selektah's DJ musikariek alaitu zuten giroa Arranon. "Lepo bete zen taberna, eta giro bikaina izan genuen amaierara arte. Gaua luze joan da", azpimarratu du Maestrok.