Atzo arratsaldeko saioan Topagunea lepo bete zen, eta gonbidatuen bizipenak adi jaso zituzten bertan bildutakoek. Egitasmo bakoitzeko ordezkariak ordu laurden izan zuen euren ibilbidea marrazteko –egitasmoaren ezaugarriak, funtzionamendua, eta izan edo dituzten trabak eta zailtasunak–, eta ondoren, taldeka bildu ziren entzundakoak aztertu eta eztabaidatzeko.
Eltzia Eguna, gaur, zapatua
11:00etatik 13:30era Eltzekideek, Topagunearen espazioaren erabileraren ideazioa –hausnarketa eta diseinua– egingo dute, eta era berean, interesa duten guztientzako Eltzia ezagutzen bisita gidatua egingo dute 11:00etatik 12:00etara.
Jardunaldia borobiltzeko, bazkaria egingo dute Topagunean, eta ondoren, bertsolariak eta Herrixa Dantzan saioa izango da, 17:00etan hasita.