Eñaut Elorrieta, 'Harian' lan berriarekin izango da domekan, Santa Anan

Imanol Beloki Unamuno 2018ko aza. 14a, 17:30
Eñaut Elorrieta eta Kaabestri String Ensemble boskotea. Argazkia: Kulturklik

Musikegunak egitasmoaren barruan, kontzertua eskainiko du Eñaut Elorrieta musikariak, domekan, 19:00etan, Oñatiko Santa Ana Udal Antzokian. Zuzenean interpretatzeko eta gozatzeko asmoarekin sortutako proposamen berriarekin izango da, gainera: Harian izeneko proiektuarekin, hain zuzen ere. Sarrerak dagoeneko agortuta daude.

Urriaren 28an hasi zuen Harian proiektuaren bira berria, Bilboko Arriaga antzokian, eta asteburuan, Santa Anako oholtza gainean izango da, bere musika banda hari instrumentuekin ordezkatuta. Euskadiko Orkestra Sinfonikoko bost musikarik osatzen duten Kaabestri String Ensemble hari boskotearekin egin du proiektua: Oscar Lopez, Igor Torre eta Arkaiz Martinez biolinistak, Jon Arraz Txelojotzailea eta Paloma Torrado kontrabaxista dira taldekideak.

Kontzertu horrek aukera bakarra eskaintzen du Ken Zazpiko abeslariaz gozatzeko beste musika-tesitura batean; horrela, haren ahotsa entzuteko aukera izango da bi biolinek, biolak, txeloak eta kontrabaxuak lagunduta eta emanaldi honetarako egindako musika-moldaketekin

Zuzeneko emanaldia

Lau abesti berri grabatu ditu Elorrietak hari boskotearekin batera, baina ez dute euskarri fisikorik argitaratu. Hala ere, sarean jarri dituzte sortu dituzten abestiak entzungai. Kontzertu bira horretarako sortutako kantu berriez gain, Eñaut Elorrietaren errepertorioko hainbat abesti moldatu dituzte hari boskoteari egokitzeko.

Antolatzaileek azaldu dutenez, sarrerak dagoeneko agortuta daude, beraz goraino beteko da Santa Ana antzokia.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak