Arantzako zirkora izango da azaroko mendi irteera

Hilaren 18an, domeka, da azaroko mendi irteera

Zailtasunik gabekoa baina luzea izango da Aloña Mendik antolatutako azaroko mendi irteera. Domekan izango da, hilaren 18an. Beti bezala, aurrez eman behar da izena.

Aloña Mendiko mendi sailak jakin arazi duen moduan, irteera honetan Arantzako zirkoari buelta emango diote. Arantza herritik abiatuko dira eta zirkoko goialdera igota, Mendaur tontorrera helduko dira. Ekaitza tontorretik pasatuta, txabola eta baserrietatik, berriro Arantzara bueltatuko dira.

Ibilbideak 19,5 km. ditu eta 1350 m-ko desnibela. Zailtasunik ez duela aurreratu dute mendi sailekoek baina bai luzea izango dela, 6-7 ordu ingurukoa. Joan gura duenak azaroaren 15a aurretik eman behar du izena Aloña Mendi tabernan edo alonamendi.mendi@gmail.com helbidean.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.