Datorren urteko aurrekontuak lantzen hasi da EAJren udal taldea eta partaidetzazko aurrekontuen bideaz gain, beste bide batzuk zabaldu ditu herritarren proposamenak jasotzeko. Hauexek dira bideak:
- Batzokiko buzoia
- Helbide elektronikoa ( pnvonati.partaidetza@gmail.com ),
- Facebook eta Twitter sare sozialak (https://twitter.com/eajpnvonati , www.facebook.com/eajpnvonati)
- Udal zinegotziei aurrez aurre esanda
Jeltzaleek adierazi dute "urtetik urtera, Oñatiko EAJ-PNVk parte hartze prozesu horren baitan herritarrengandik jasotako proposamen zerrenda luzea" aurkezten diotela EH Bilduren udal gobernuari. "Horri esker, azken urteotan, horietako hainbat aurrera eramatea lortu du: San Lorentzoko konposta gunea lekualdatzea, ur txorrotadak martxan jartzea, enplegua eta ekintzailetasuna bultzatzeko plana eta tutoretzarako aholkulari espezializatua kontratatzea (co-work), lehen sektorerako berrikuntza teknologikoak edota belaunaldi erreleborako diru laguntzak txertatzea, herriko guraso, haur eta gazteen eskariei erantzuteko plazako frontoia argiztatzea edota Bidaurreta eremuko argiztapena hobetzea".
Aurrekontuetarako proposamenak jeltzaleei aurkezteko azken eguna izango da azaroak 15.