Behin betiko onartu da tabernetako ordenantza

Oihana Elorza Gorostiza 2018ko urr. 26a, 11:57
Eguenean egin zen urriko osoko bilkura, 18:30ean

EAJk kontrako botoa eman du "aurrerantzean ere herritarrak izango direlako salaketa jarri behar dutenak" aipatuz arrazoien artean. Presoen aferaren inguruan Estrasburgotik astean etorritako albistea ez dute ondo ikusi udalbatza osatzen duten bi alderdiek.

Ostalaritzan arituko diren establezimenduak arautuko dituen ordenantza berriaren aurka dagoela esan zuen EAJk atzo egindako urriko osoko bilkuran eta aurreko osoko bilkuretan emandako arrazoiak eman zituen hori esateko: tartean, "aurrerantzean ere herritarrak izango direla salaketa jarri behar dutenak", "sistema automatizatua jartzea posible" dela eta "tabernarien aurka jarritako salaketa batzuk zigortu diren arren, beste batzuk ez dira tramitatu ere egin eta tramitatu direnen artean batekin behintzat, maiatzak 18tik, ez da ezer egin". Udal Gobernuko kideek ez zuten erantzunik eman eta euren aldeko botoekin onartu zen ordenantza.

San Martin egoitza eta eguneko zentroaren kudeaketa Foru Aldundiaren esku uzteko hitzarmena aho batez onartu zen. Urtarriletik aurrera Aldundiak kudeatuko ditu zerbitzu bi horiek.

Gai zerrendatik kanpo, presoen aferari begira Estrasburgok astean hartutako erabakia ez dutela ondo ikusten adierazi zuten bi alderdiek, EH Bilduk eta EAJk, "berri txarra" izan dela gehituta. Elkartasuna adierazi zieten presoei eta euren senideei.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak