Brontzezko bi domina Euskadiko Txapelketan

Brontzezko bi domina eskuratu dituzte Aloña Mendiko karatekek.

Karmele Egañak eta Mikel Juradok hirugarren postuan amaitu zuten Donostiako Belodromoan jokatu zen karate txapelketako junior mailan

Pasa den asteburuan Euskadiko  Karate Txapelketa jokatu zen Donostiako Antonio Elorza belodromoan, kadete, junior eta 21 urtez azpiko kategoriatan, eta bertan, emaitza oso onak lortu zituzten Aloña Mendikokaratekek. 

Junior mailan, Kumite modalitatean bi brontzezko domina eskuratu zituzten oñatiarrek. Junior nesketan, 59 kilotik gorako mailan, Karmele EgaÒak eraman zuen domina. Hilabete bikaina izaten ari da Karmelerentzat, Gipuzkoako txapeldun izatea lortu ere baitzuen Hondarribian. 

Beste horrenbeste esan daiteke Mikel Juradoren inguruan. Oñatiko gazteak bigarren amaitu zuen Gipuzkoako Txapelketan, 55 kilo azpiko mailan eta Euskadikoan hirugarren.

Espainiako Txapelketa 

Ponferradan izango da Espainiako Txapelketa azaro amaieran. Euskadiko Selekzioarekin zeintzuk joango diren ikusteke dago oraindik, baina Aloña Mendikoek eman duten mailarekin bertan izateko aukera eduki dezakete.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.