Errosario jaietako bertso jaialdia egin zen atzo Oñatiko Zubikoa kiroldegian. Tamalez, ez zen hura ikustera jende asko joan, baina, umorez heldu zioten gaiari bai bertsolariek, bai eta ikusleek ere. Hala, saioan zehar, hainbat izan ziren jende gutxi joan izan horri bertsolariek egindako keinuak. Egoitz Atxaga aritu zen gai-jartzaile lanetan; bertsotan, aldiz, Aitor Mendiluze, Nerea Ibarzabal, Andoni Egaña, Sustrai Colina, Miren Artetxe eta Unai Iturriaga.
Realaren eta Athletic-en arteko derbiari egotzi zioten, hein baten, oholtza gainean aritu ziren bertsolariek, kiroldegiko eserlekuak bete ez izan hori. Hala ere, oso giro onean egin zuten bertso saioa. Hainbat gairen bueltan aritu ziren bertsolariak, hala nola, Euskaraldiaren edo 'Gure Zirkua' ikuskizunaren gainean, eta ezustekoak ere izan ziren. Esaterako, Andoni Egaña pailazoaren paperean ipini zuen gai-jartzaile Egoitz Atxagak eta hark, primeran bete zuen bere lana. Ez hori bakarrik, Espainiako politikari batzuen masterren inguruan gertatzen ari dena ere izan baitzen barrerako motibo. Egañak, inspektore lanak egin behar izan zituen, eta giro apartean egin zuen bertso saioak aurrera. Bertso-saio bizia izan zen atzokoa, Oñatin.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak