Azokaren bueltan lehiaketa egin dute beste behin. Hamazazpi parte-hartzaile izan dira gazta lehiaketan. Horietatik Jesus Azkoitia (Goikoetxe) izan da lehen saria eskuratu duena. Bigarren, Juanito Urzelai (Urzelai), eta hirugarren, Nestor Alzelai (Aldai). Barazkietan lote ederrena, Ortuzabalak eskuratu du Aretxabaletako tomate larrosaren loreagatik, hain zuzen ere. Azkenik, frutetan lote ederrenaren saria, Felix Azkargortarentzat izan da (Iruatz), reineta erregina sagarrarengatik.
Oñatiko jaietako egun handietako bat ospatzen ari dira gaurkoan, Herri Eguna. Nekazarien elkarteak antolatutako azoka izan da goizean, eta, parte hartu duten abeltzain, nekazari eta gazta ekoizleak, denak oñatiarrak. Artisautzak ere izan du bere gunea unibertsitateko klaustroaren bueltan. Nola ez, taloa dastatu eta sagardoz eztarria bustitzeko aukera ere izan da 24 Gipuzkoako sagardogileren eskutik.
Erlazionatuak
Herri Eguna ospatzen ari dira Oñatin
2018 urr 06 Oñati
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak