Atzeko kaleko agertokia emakumeena bilakatzen ari da azken urteetako jaietan. Aurten, ez da gutxiago izango eta bihar, The Mani-las hirukoteak kontzertua eskainiko du, 19:30an.
Manilara bidaia
Hirukotea Mariana Perezek, Maika Makovskik eta Olaia Bloomek osatzen dute, baina bi azkenak dira taldea sortzearen errudunak. Izan ere, iaz, Manilara egindako bidaia batean, kontzertu bat eskaini zuten eta handik bueltatu zirenean erabaki zuten He's got the power abestia estudio batean grabatzea. Azken hau egiteko, Perezen presentzia ezinbestekoa zela pentsatu zuten eta hark onartu egin zuen gonbidapena
Euskal Herrian hainbat hitzordu
Hirukoteak duela bi aste hasi zuen bira, Tenerifen eskaini zuten lehen zuzeneko kontzertuan. Irailetik azaro hasiera arte, behintzat, hainbat hitzordu lotuta dituzte eta horietako batzuk Euskal Herrian izango dira. Lehena Gasteizen eskaini zuten aurreko astean eta hurrengoa bihar San Migel jaien baitan eskainiko dutena izango da. Aurrerantzean, Donostian, Beasainen eta Bilbon arituko dira.