Datozen bi asteburuetan jaiak izango dira Oñatin eta horrek eragina izan du herriko hainbat kirol taldeetako hitzorduetan, partiduetan.
Futbolean, esaterako, eguenean, irailak 27, jokatuko du Aloña Mendik Aretxalatetako Ibarra futbol zelaian UDAren kontra: 19:00etan da partidua.
Eskubaloian, Euskadiko txapelketan jokatzen ari den taldeak, Fagor Industrialek, atzeratu egin du aste honetako partidua; azaroaren 1ean jokatuko dute Zubikoan Zarautzen kontra. Datorren astekoa berriz, Herri Egunean dute, urriak 6, 18:30ean Muskizen. Gipuzkoa mailan jokatzen duen taldeak ez du denboraldia hasi oraindik. Neskak, urriko lehen egubakoitzean izango dute denboraldiko lehen partidua Elgoibarren.
Aloña Mendiko saskibaloiko lehen taldeak, berriz, egubakoitzetan jokatuko ditu hurrengo bi partiduak zapatuetan jokatu beharrean. Biak izango dira Zubikoan eta biak iluntzean. Aste honetakoa irailaren 28an izango da, 20:00etan, Alde Zaharra taldearen kontra.