Zapatuan egingo dute Oñatiko Probaren 31. edizioa

Bihar, zapatua, 10:00etan hasita –Unibertsitateko hiribidean–, Lehendakari Txapelketan dabiltzan ziklistek hitzordua dute Oñatin. 96 kilometroko lasterketa izango dute aurretik, eta Udana, Aztiria eta Atagoitiko gainak gainditu beharko dituzte. 

Bailarako hainbat ziklista izango dira bertan, eta oñatiarren artean Xabier Murgiondo (Ampo), Ander Gartzia (Debabarrena) eta Ekaitz Txintxurreta (Debabarena) lehiatuko dira. Iaz, Caja Rural taldeko Alvaro Cuadros izan zen onena; andaluziarrak erasoa jo zuen azkeneko igoeran, eta bakarrik helmugaratu zen Unibertsitateko hiribidean. Bigarren Ampo taldeko Jokin Aranburu zarauztarra izan zen.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.