41 tiratzaile, arku tiroketako San Migel sarian

Simon Marcos, Javier Varona, Pedro Antonio Martin eta Juanjo Ruedak irabazi dituzte lau modalitateetako txapelketak. San Migel saria izateaz gain, Gipuzkoako Open ligako hirugarren jardunaldia izan da.

Txantxiku Arkulariak taldeak deituta jokatu da Zozopase inguruak basoko 3D txapelketa. Euskal Herriko arkulariez gain, Kantabriako eta Burgoseko parte-hartzaileak egon dira. Oñatiko taldeak hamar ordezkari izan ditu lehian.
 
Arendui (Arantzazu) baserritik gertu zuten prestatuta txapelketako ibilbidea. Lau arku mota erabiliz egin dute, eta emakumezko gutxi egon direnez, sailkapen bateratuak egin dituzte. Arku konposatuan Ordizia taldeko Simon Marcos izan da onena; arku instintiboan, Elgoibarko Javier Varona; Longbow delako arkuarekin, Burgosko Pedro Antonio Martin; eta arku biluziarekin, Portugaleteko Juanjo Rueda. Modalitate horretan, hirugarren lekuan sailkatu da Txantxiku Arkulariak taldeko Imanol Galdos.
 

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.